500 مليون دولار لدعم القدس .......!!!!
في مؤتمر القمة العربية ... قرر العرب قرار سوبر لوكس
قرروا فتح صندوق بـ500 مليون دولار لدعم القدس
بجد ..... ممتاز ... أكيد هايبنوا بيها جيش كبير لتحرير فلسطين
لألألألألألألألألألألألألألأ
يبقى أكيد هبنوا بيها جيش نص نص لتحرير القدس
لألألألألألألألألأ
يبقى أكيد هايبنوا بيها جيش صغير يحموا بيه المسجد الأقصى من اليهود الغاصبين
لألألألألأ
إيه ده .. كل أما اقولك حاجة تقولي لأ لأ لأ ..
أمّال هيعملوا بالفلوس دي إيه ... دي ملايين ..!!!
اصبر بس وما تستعجلش ...
الـ 500 ملين دولار دول هايتوزعوا بطريقة إنما إيه .... طريقة فن ...!!!
500 مليون دولار في جيب عباس لفك النحس وبالمرة يشتري له بدلتين
بدلتين يقابل بيهم أوباما وميتشل لمّا ييجوا يحتفلوا معاه بذكرى اغتيال أحمد ياسين
أو لمّا يروح لنتن ياهو البيت ويشرب معاه كاس واللا كاسين
أو لمّا يقابل هيلاري كلينتون ويطبع علي خدها قبلة أو قبلتين
500 مليون دولار يادوب تكفّي عمل 5000 بوستر مقاس دبل إكس مُلونَين
فيهم صورة المسجد الأقصى ومسجد قبة الصخرة وهما متحاوطين بسور من حديد جامد ومتين
500 مليون دولار هاتتوزع مكافآت وهدايا على 1000 شخص
1000 شخص من رجالة عباس وفياض ودحلان ومعاهم شلة محتالين
ياعرب مش مكسوفين .... بالذمة مش مكسوفين
هيّا القدس محتاجة دولارات واللا محتاجة رجالة ما بيخافوش زي رجالة حطين
هيّا القدس محتاجة دولارات واللا محتاجة سلاح لردع المعتدين
هيّا القدس محتاجة ندوات ومؤتمرات وميكروفونات تودّي لحد الصين ..
واللا محتاجة واحد يقول اصحوا يا شوية مغفلين
هيّا القدس محتاجة صور وبوسترات واللا محتاجة راجل بحق وحقيقي زي صلاح الدين
هاتعملوا بالـ500 مليون دولار إيه يا عرب ... وانتوا نص شعوبكم تحت خط الفقر و شحّاتين
ياعرب .... يا مسلمين ... جاتكوا خيبة فوق الخيبة اللي انتوا فيها من سنين ....!!!
ليست هناك تعليقات:
إرسال تعليق