مدير مكتب عباس المفضوح ...
هل من فيديوهات أخرى لمفضوحين آخرين ...
رفيق الحسيني رمز الصمود .... !!!!!
- على ذكر الكليبات فإيه رأيكم في الكليب الأخير لمدير مكتب عباس .... كليب زبالة لشخص زبالة شغال عند واحد أكثر زبالة ... إن القناة العاشرة الإسرائيلية عندما أذاعت هذا الفيديو الفاضح لمدير مكتب عباس قد أذاعته لا للشوشرة على الرجل ذو السمعة الطيبة والسيرة العطرة والطاهر اليد واللسان وأشياء أخرى .... كما أنها لم تذعه لأنها كانت زعلانه منه لدوره القوي في دعم المقاومة الفلسطينية .... أو مخنوقة منه لدعم صمود المقدسيين في القدس ... لم تذع هذا الفيديو لأي من الأسباب السابقة لا لشيء سوى لأن هذا الرجل وبكل فخر واعتزاز بريء من التهم دي كلها ...... إنها أذاعته لتُعلم الفلسطينيين جميعاً ومن بعدهم العرب أن هؤلاء هم حكامكم ومعاونيهم ... القناة العاشرة الإسرائيلية تعلن للشعوب العربية جميعاً أنها شعوب مخدوعة في من يحكمها واعتقاد بعض الشعوب العربية إن لم يكن كلها أن قادتها وحكامها لا يُشق لهم غبار وأنهم ملائكة الرحمة الذين وهبوا حياتهم تطوعاً لخدمة قضايا الأمة وأنهم ضحوا بالغالي والرخيص من أجل راحة شعوبهم ... كل هذا لا أساس له من الصحة ... وعن نفسي لن أفاجئ بظهور فيديو فاضح لعباس أو دحلان أو أي شخص من هذه النوعية القذرة ... إنهم رموا بأنفسهم في أحضان أعدائهم فكانوا أول من فضحوهم .. ويا ترى الفضيحة القادمة ستكون عن من ... ولمن ... !!
- الأدهى بقى إن الأخ مدير مكتب عباس بيقول أنه تعرض لمؤامرة ... يا جامد ... وإنها عصابة ... يا يعيني ... وإن الفيديو مدبلج ... يا سلام .... يا أخي قول كلام غير ده ... انت فاكر الناس هاتصدق الكلام الساذج اللي انت بتقوله ده ... جاتك وكسة .. فيديو إيه اللي مدبلج .. انت الظاهر عليك بتتفرج على أفلاك كارتون كثير ... وياترى إيه نوعية الأفلام اللي بتحبها ... توم وجيري واللا أليس في بلاد العجائب واللا تكونشي بتحب عبقرينو واللا مازنجر ..... طب إيه رأيك في سلاحف النينجا ....!!!! إنت لك عين وتتكلم يا مفضوح ... وهايتآمروا عليك ليه ... ألا ما شوفناك مرة واحدة حملت رشاش واللا بندقية واللا طوبة حتى في وجه الاحتلال واللا حتى قلت تصريح واللا كلمتين على بعض تهاجم بيهم الاحتلال ... آه صحيح انت كنت فاضي أصلاً.....!!!! انت كنت مشغول يا حبة عيني في الملذات بتاعتك ....... وليك عين وتتكلم .. يا أخي انت المفروض تروح ترمي نفسك تحت قطر سكة حديد عشان تتقطع حتت وما يبقاش ليك أثر ... وإن ما كانشي في فلسطين عندكم قطر تعالى مصر وأنا اختار لك قطر حلو كده بس إيه هايعجبك قوي .. قطر من بتوع الصعيد ... أكيد سمعت عنهم .... وإن ما كنتش سمعت عنهم اطمن يا عم احنا هانخليك تشوفه على الحقيقة بعينيك الملونة دي اللي سحرت بيهم البنت اللي كانت معاك في الفيديو الفضيحة بتاعك .... كفاية عليك كده ياللا قوم بلبع لك حبيتين منوم عشان تعرف تنام انت هاتلاقيك يا ولداه بقالك أسبوعين ما نمتش ... قوم يا راجل قوم نام انت وراك شغل كثير بكره ... فيه مؤتمر كبير بكره هايناقش الطريق إلى تحرير القدس والمسجد الأقصى من قبضة الاحتلال الإسرائيلي وانت طبعاً لازم تشارك في المؤتمر ده لدورك الهام جداً في هذه القضية التي تشغل بال الأمة جمعاء ......... وتحيا الأمة العربية ... تحيا الأمة العربية .............!!!
- ههههههههههههههههه ... شريف خيري رمز الصمود .... شريف خيري رمز الصمود ..... موقفك الفضيحة ده فكرني بعادل إمام في فيلم السفارة في العمارة هما كانوا دبلجوا الفيديو بتاعه برده واللا هوا اللي جري ورا البنت اللي صوروها معاه ... يعني هما ضربوه على إيده وقالوا له لازم تتصور معاها واللا لما عرفوا إنه دني وسلوك زي الزفت استغلوه على طول ..... كان شريف خيري يقدر يرفض دخول البنت اللي شافها في مدخل العمارة كان ممكن قوي يرفض إنها تدخل الشقة معاه .. إنما تقول إيه للناس اللي الدناوة في دمهم..... أكيد كنت فاكرها ليلة وهاتعدي زي شريف خيري بالظبط ما افتكر كده ... إنما إيه انضحك عليك يا حدق زي ما انضحك عليه بالضبط ... الظاهر عليك ما اتفرجتش على فيلم السفارة في العمار لو كنت اتفرجت عليه كنت خدت بالك وأمنّت الشقة كويس قبل ما تعمل العملة المهببة بتاعتك دي ... أو ما كنتش عملتها من أساسه ... تعيش وتاخد غيرها يا شريف يا خيري .......... أخ ... ألا انت اسمك إيه ... مصيبة ليكون اسمك شريف خيري انت راخر ...............!!!!!
- وفي النهاية : على فكرة هذا الكلام لا ينطبق على الفلسطينيين فقط بل ينطبق على معظم الحكام ومعاونيهم في العديد من الدول العربية إن لم يكن كلها ... فكل منهم له الفيديو الخاص به الذي سيظهر في الوقت المناسب ... وأنا على يقين أن إسرائيل محتفظة بفيديوهات كثيرة لمسئولين آخرين ستقوم بإظهارها للعالم كلٌُ في وقته ... يعني بالدور ... اصبروا انتوا لسه شوفتوا حاجة ................!!!! كله جاي .... كله جاي .......... كله جاي .................!!!!! .
ليست هناك تعليقات:
إرسال تعليق