ألوووووووووووووو ..... شيخ الأزهر
ألو ... سلام عليكم
وعليكم ...
ممكن أكلم شيخ الأزهر
شيخ الأزهر مش فاضي
بس أنا عاوزاه في أمر ضروري
ما قولنا فضيلة الشيخ مش فاضي ...
أرجوك دا أمر خطير وما يتأجلش
باين الزوق معاكي ما بينفعش
لو سحمت .. خليك مهذب
لو سحمتي انتي اتصلي عليه بعد المغرب
بعد المغرب .. دي المرة العشرين اللي اتصل عليه .. وكل مرة نفس الرد ... شيخ الأزهر مش فاضي
ما هوا فعلاً مش فاضي ... احنا كلامنا كله حقاني ..
طب ممكن اسألك سؤال
اتفضلي ... بس بسرعة عشان عاوز اعمل مكالمة ضروري ع الجوال
هوا شيخ الأزهر مشغول على طول كده ليه
ظروف شغله كده ... عاوزاني أعمل له يعني إيه
لأ مش قصدي .. قصدي هوا مشغول بالضبط في إيه
مشغول في حاجات كثير ما تتعدش ... خدي عندك
من يومين كان بيقابل الرئيس الإسرائيلي
وانبارح كان بيتعشى مع السفير الأمريكي
والنهارده هايروح يزور سفير الدنمارك في سفارته في الحي اللاتيني
وبكره هايلف على المدارس والمعاهد والكليات... عشان يشوف المنقبات ويقبض عليهم .. مش قلت لك فضيلته مشغوووووووووووووول على طووووووووووول وعمره ما كان فاضي ... !!!!
أيووووووووووووووه أنا سؤالي عشان النقاب ... بنتي منقبة وعاوزه أخليها تخلع النقاب أعمل إيه
مش تقولي من بدري ... ساكته ليه
ما أنا كنت عاوزه شيخ الأزهر عشان أسأله أعمل إيه
ثواني .. شيخ الأزهر هايكون معاكي
يا شيخ .. يا شيخ ... واحدة على التليفون بنتها منقبة وعاوزه تخليها تخلع النقاب وبتسأل فضيلتك .. تعمل إيه
تعمل إيه ... خد عنوان بيتها على طووووووووووول
عنوان بيتها .. عنوان بيتها ليه يا شيخ ......
عنوان بيتها عشان أروحلها بنفسي وأقنع بنتها وأخليها تخلع النقاب
وكمان أحببها في لبس البادي والجينز وفساتين السواريه
لو سمحتي يا مدام عنوانك إيه
عنواني .. عاوزين عنواني ليه
عشان شيخ الأزهر يجيلك بنفسه زيارة ويقنع بنتك بخلع النقاب ..
بجد .. أنا فرحانه قوي ... شيخ الأزهر بنفسه هاييجي ... انا مش مصدقة نفسي .. ده حلم والللا علم
دا علم طبعاً .. عنوان سعادتك إيه
اكتب عندك 5 شارع ... أخ بس فيه حاجة مهمة
هيا إيه ..!!؟؟
انا ست مطلقة وعايشة انا وبنتي لوحدنا في الشقة وما فيش محرم
آه .. مشكلة ... يا شيخ أم المنقبة بتقول انها مطلقة وعايشة لوحدها في الشقة هيا وبنتها من غير محرم
طيب وإيه المشكلة ...
إيه المشكلة .. !!!؟؟؟؟ هاتروح ازاي فضيلتك ..
هاروح ازاي .... يابني انا شيخ الأزهر ... انت نسيت واللا إيه
لأ ما نيستشي بس ..
بس إيه .. وكمان النقاب ده شيء خطير لازم نقضي عليه ...
خد منها العنوان ... والباقي كله يتدبر أمره
أيوه يا مدام .. الشيخ بيقولك ما فيش مشكلة ... ده موضوع ضروري والمحظور مباح طالما فيه شيء ضروري
يعني مش حرام ...
ما قلنا ليكي الشيخ قال ده شيء ضروري ومع الضرورة مافيش حاجة اسمها حرام
اكتب عندك 5 شارع الحرية الدور الثاني شقة ثمانية
اللقاء :
جرس الباب بيدق ...
مين
انا شيخ الأزهر
اتفضل يا شيخ الأزهر خطوة سعيدة
فين الأمورة
تعالي يا نورة
وكمان اسمها نورة .. ما شاء الله
لابسه النقاب ليه يا نورة
لابساه عشان سمعت شيوخ كثير بتقول إن النقاب فرض لازم أي بنت ترتديه
دول يانورة شيوخ ما بيعرفوش حاجة وانا الوحيد في البلد دي اللي باعرف كل حاجة
اخلعي النقاب وعيشي حياتك والبسي كل اللي انتي عاوزاه
البسي البادي وكمان الجينز في الصباح ... وانتي خارجة بالليل البسي سواريه
أما النقاب فابعدي عنه لأنه مش م الدين ومافيش أي نص بيشير إليه
يعني رأيك كده يا شيخ الأزهر
طبعاً رأيي ... وخدي كلامي وانتي مطمنة ع الآخر يا بنتي
اتفضل يا شيخ العصير
لأ شكراً .. أنا اتأخرت عندي ميعاد في بيت تاني ... مش عاوز أتأخر عليه ....
مؤتمر صحفي للشيخ
بعد طول دراسة قررنا
1- منع دخول الطالبات المنقبات إلى مدارس و معاهد وكليات الأزهر .
2- منع دخول الطالبات المنقبات المدن الجامعية التابعة للأزهر .
3- منع سير الفتيات المنقبات بالقرب من أسوار مدارس ومعاهد وكليات الأزهر .
4- منع دخول الأساتذة والمدرسات المنقبات إلى مدارس ومعاهد وكليات الأزهر .
لقاء تلفزيوني
ما رأي فضيلتكم في خلع النقاب
حلال .. حلال .. حلال
ما رأي فضيلتكم في خلع الحجاب في بلاد بره
حلال ... حلال ... حلال ... مش بس بلاد بره .. دا بلاد جوه كمان
ما رأي فضيلتكم في البادي والجينز والفساتين العريانة اللي اسميها سواريه
حلال ... حلال ... حلال ... هيا الحاجات دي فيها إيه ...!!!
ما رأي فضيلتكم في تقديم الشباب المسلم للخمور في بلاد بره
حلال ... حلال ... حلال .. مش بس بلاد بره .. دا بلاد جوه كمان ..
ما رأي فضيلتكم في عمل الشباب المسلم في صالات القمار في بلاد بره
حلال .... حلال .... حلال ... مش بس بلاد بره ... دا بلاد جوه كمان
ما رأي فضيلتكم في المعاملات البنكية الغير ربوية ...
حلال .. حلال ... حلال .. مش بس المعاملات الغير ربوية .. والربوية كمان ... كله حلال
ما رأي فضيلتكم في ما يحدث للمسجد الأقصى .. ؟؟
حلال ... حلال ... حلال
المذيع : هوا إيه اللي حلال .. !!
شيخ الأزهر : اللي بيحصل في المسجد الأقصى حلال حلال حلال ...
المذيع .. انت علّقت واللا إيه يا شيخ ... !!!!!!!!
شيخ الأزهر : علّقت ... إيه الكلام ده ... احترم نفسك ... انت بتكلم شيخ الأزهر
المذيع : احترم نفسي ازاي .. انت عارف كويس إيه اللي بيحصل في المسجد الأقصى ...!!؟؟؟؟
شيخ الأزهر : أيوه طبعاً
المذيع : أيوه طبعاً .. .. !!!!! !! طب إيه اللي بيحصل فيه ...!!
شيخ الأزهر : الناس بتصلي فيه .. وده شيء حلال ... حلال ... حلال
المذيع : ممكن أسأل فضيلتك سؤال ... ؟؟
شيخ الأزهر : اتفضل يابني ...
المذيع : هوا المسجد الأقصى ده فين .................؟؟؟؟؟؟؟؟؟؟؟؟؟؟؟؟؟؟؟؟؟؟؟
شيخ الأزهر : ودي برده عايزه سؤال ... ده مسجد على باب شارعنا كل يوم باصلي المغرب والعشا فيه ......!!!!!!!!!!!!!!!!!!!!!!
المذيع يُغمى عليه ..................!!!
ليست هناك تعليقات:
إرسال تعليق