تعديل وزاري
فتحت التلفزيون ثواني
لاقيتهم بيقولوا فيه تعديل وزاري
الوزير فلان مشي وجه الوزير فلان الفلاني
بعد شهرين بافتح التلفزيون من تاني
لاقيتهم بيقولوا فيه تعديل وزاري تاني
الوزير فلان الفلاني مشي وجه الوزير علان العلاني
قفلت التلفيزون وقلت للعيال في البيت .. ما حدش يفتح التلفزيون ده تاني
قالوا ليا يا بابا احنا ما بنفتحشي التلفزيون من أصله ... ولو فتحناه ما بنسمعشي نشرة تسعة ..
احنا يادوب بنتفرج على الكليبات وبنسمع شوية أفلام و أغاني
قلت لهم آخر اغنية سمعتوها ايه .. سمعوها لي
قالو .. أغنية لشعبان عبد الرحيم بيقول فيها .. كل ما تلاقي نفسك فاضي .. اعملك واحد تعديل وزاري .!!!
====================================
التوريث ... التوريث
التوريث يا اخوانا عمره ما كان غلط أو عيب
التوريث طول عمره الأصل والباقي كله تقليد
التوريث أنواعه كثير بس احنا مش عاوزين نعيد ونزيد
فيه توريث وظيفة ميري
وفيه توريث منصب وزاري
وفيه توريث فلوس ودهب وحديد
وفيه كمان توريث رئاسي
من الآخر ومن غير غير لف ولا دوران حبيت اقوللكم المختصر المفيد
قصد العبارة إن الاستمارة راكبة الحمارة وابني هوا الرئيس الجديد ..
====================================
ليست هناك تعليقات:
إرسال تعليق