إضراب 6 أبريل
مستني إيه لازم تشارك
لو انت تلميذ ما تروحشي المدرسة
لو انت طالب ما تروحشي الكلية
لو انت موظف ما تروحشي الشغل
لو انت عامل ما تروحشي المصنع
لو انت ما بتشتغلشي .. يبقى ما تطلعشي من البيت ...
المفروض نعمل إيه
فيه درجات ..........
الدرجة الأولى : ما تخرجشي من البيت
الدرجة الثانية : علق علم مصر في البلكونة أو على السطح أو في الشباك اللي على الشارع
الدرجة الثالثة : ألبس أسمر أو ألبس شارة سمرا على الهدوم اللي انت لابسها
الدرجة الرابعة : شارك في المظاهرات اللي هاتبقى اليوم ده في القاهرة أو في عواصم المحافظات
على الأقل .. على الأقل ... نفذ الدرجة الأولى
لازم تبقى إيجابي
لازم تقول لأ للفساد
لأ لارتفاع الاسعار
لأ لانخفاض الأجور
لأ للبطالة
لأ للفساد السياسي
لأ للفساد الاقتصادي
لأ للفساد الأخلاقي
لأ لامتهان آدمية المواطن المصري في طوابير الخبز
لأ لامتهان كرمة المواطن المصري في وسائل المواصلات
لأ للتوريث
لأ للظلم
أمال عاوزين إيه
عاوزين حرية
عاوزين ديمقراطية
عاوزين نشتغل
عاوزين أجور محترمة تعيشنا عيشة كريمة
عاوزين أسعار عادلة
عاوزين عيش بدون ما نموت في الطوابير
عاوزين مواصلات ما يتخدشي حيائنا فيها
عاوزين نحكم نفسنا بنفسنا .. مش أمريكا اللي تحكمنا أو عصابة مأجورة فاسدة ما عندهاش دم تتحكم فينا زي ما هيا عايزه
قلت إيه ................ ؟؟؟؟
لازم تشارك ...
ولو بجاجة بسيطة .. ما تروحشي الشغل
أنا عن نفسي هاعمل كده مش هاروح الشغل
أقول لزميلك ما يروحشي الشغل .. لو رفض أقنعه .. دي مصلحتنا ... ولو ما عملناش كده يبقى خلاص عليه العوض ومافيش أمل إن مصر تتغير ...
انت راضي عن وضع البلد .... لو مش راضي يبقى خلاص لازم تبقى إيجابي
تبقى إيجابي ولو لمرة واحدة .. ولو ليوم واحد .. يوم 6 أبريل .........
طول ما ايديدنا في إيدين بعض ... هانحقق كل اللي احنا عاوزينه
ليست هناك تعليقات:
إرسال تعليق